Të fundit

Vetëvrasja e 37-vjeçarit, arrestohen babë e bir nga Lipjani

Dy persona janë arrestuar në Lipjan nën dyshimin për fajde dhe shtytje në vetëvrasjen e 37-vjeçarit B.S. të martën në Çagllavicë të Graçanicës.

Të arrestuarit janë Skender Tasholli dhe Albion Tasholli, babë e bir nga Lipjani, ka mësuar Paparaci nga burime të mirinformuara brenda organeve të rendit.

Skender dhe Albion Tasholli janë arrestuar të martën në mbrëmje.

Emrat e tyre dyshohet se janë shkruar në një letër që ka lënë 37-vjeçari B.S, i cili dyshohet të ketë qenë viktimë e fajdeve dhe si pasojë e presionit nga të arrestuarit se ka kryer vetëvrasje.

Zëdhënësja e Prokurorisë Themelore në Prishtinë, Laureta Ulaj e konfirmoi sot për Paparacin se dy të dyshuarit janë ndaluar me urdhër të prokurorit kujdestar.

“Prokurori kujdestar ka lëshuar aktvendim mbi ndalimin e dy personave, të dyshuar per veprat penale “Shtytja në vetëvrasje” dhe “Fajdeja”, sipas KPRK-së”, tha Ulaj.

Prokuroria në koordinim me Policinë janë duke ndërmarrë veprime hetimore lidhur me këtë rast.

B.S. u gjet pa shenja jete në Çagllavicë të martën. Vdekja e tij u konfirmua nga ekipi mjekësor në vendin e ngjarjes.

Trupi i pajetë është dërguar në Institutin e Mjekësisë Ligjore për obduksion. /Paparaci.com

Video nga Paradoks

Projekt super i veçantë: Prezantohet Marigona Sun, lagjja më luksoze në Kosovë…

Klikoni KËTU për t’u bërë pjesë e kanalit zyrtar të Paparacit në Viber.

Subscribe në kanalin zyrtar të Paparacit - Kliko KËTU

Të fundit

TË TJERA

Qëndro i informuar

Për të mos ju ikur asnjë lajm, regjistrohu në Paparaci