Presidentja Vjosa Osmani, tha sot se nuk pajtohet me raportin e Komisionit Evropian për procesin e vettingut, ku thuhet se rivlerësimi i plotë dhe i menjëhershëm i të gjithë prokurorëve dhe gjyqtarëve paraqet një burim shqetësimi serioz.
Sipas Osmanit kjo është e papranueshme, pasi që thotë se vettingu është i domosdoshëm dhe e vetmja mënyrë për t’i arritur synimet të cilat po i kërkon BE-ja.
“E konsiderojë të nevojshme të ndalen në disa prej temave që kanë të bëjnë me procesin e vettingut duke përfshirë edhe veriun. Si presidente nuk pajtohem fare me këtë konstatim sepse mungesa e vettingut do të ishte serioz dhe jo kjo pjesë. Në këtë raport KE konsideron se procesi i vettingut do të duhej të ishte masa e fundit edhe ky konstatim është i gabuar.”
“Sa i përket vetingut Komisioni Evropian konstaton se rivlerësimi i menjëherë i gjyqtarëve paraqet një burim shqetësimi serioz. Si presidente nuk pajtohem me këtë konstatim. Në fakt mungesa e vetingut do ishte shqetësim serioz e jo përmbushja e këtij procesi”, u shpreh presidentja.
Ajo tha se në luftën ndaj krimit e korrupsionit nuk ka kompromis, derisa ka thënë se presin përkrahje të plotë nga BE-ja.