Marina Franceze kapi ditën e djeshme një tjetër anije cisternë ruse gjatë një operacioni të kryer në det të hapur në Atlantik, me mbështetjen e disa partnerëve ndërkombëtarë, përfshirë Mbretërinë e Bashkuar.
Lajmi u bë i ditur nga presidenti francez, Emmanuel Macron, përmes një postimi në rrjetin social X.
“Është e papranueshme që anijet po shmangin sanksionet ndërkombëtare, duke shkelur ligjin detar dhe duke financuar luftën që Rusia ka zhvilluar kundër Ukrainës për më shumë se katër vjet”, shkroi Macron, duke publikuar edhe imazhe nga operacioni.
Sipas autoriteteve franceze, kjo është anija e katërt ruse e naftës e ndaluar nga Franca në kuadër të operacioneve kundër shmangies së sanksioneve ndërkombëtare.