Ushtarë të misionit të NATO-s në Kosovë, gjatë së hënës, kanë marrë pjesë në një stërvitje ushtarake mbrojtëse.
Kjo stërvitje është zhvilluar në kampin “Bondsteel”, ku kanë marrë pjesë ushtarë të SHBA-së, Gjermanisë dhe Turqisë.
Sipas një njoftimit, kjo stërvitje është bërë për të provuar operacionet e koordinuara të mbrojtjes, për të forcuar procedurat e mbrojtjes së forcave dhe për të rritur aftësitë e reagimit ndaj emergjencave.
“Stërvitja bashkoi personelin e Forcave të Armatosura të SHBA-së, Gjermanisë dhe Turqisë dhe vërtetoi aftësinë e KFOR-it për t’iu përgjigjur shpejt kërcënimeve të mundshme, për të koordinuar veprimet mbrojtëse dhe për të ruajtur gatishmërinë operacionale në mbështetje të stabilitetit rajonal.”, thuhet në njoftim.