Fizioterapeuti i njohur kosovar, Art Sopi, i ka dhënë fund beqarisë duke u fejuar me Anita Zeqirin.
Çifti organizoi të shtunën mbrëma një ceremoni festive në një nga restorantet e Prishtinës, ku në praninë e familjarëve, miqve dhe shumë të ftuarve, festuan zyrtarizimin e lidhjes së tyre.
Dashurinë e tyre, Arti dhe Anita e vulosën me fejesë, ndërsa propozimi romantik ishte bërë disa ditë më parë në ishullin piktoresk të Capri-t në Itali.
Art Sopi është një emër i njohur në sportin kosovar. Ai ka punuar për disa vite si fizioterapeut i FC Llapit, ndërsa aktualisht është pjesë e klubit Mabetex në futsall, ku vazhdon angazhimin e tij profesional.
Pamjet nga ceremonia e fejesës tregojnë një atmosferë elegante dhe festive, ndërsa çifti mori urime të shumta nga familjarët, miqtë dhe të ftuarit për këtë hap të rëndësishëm në jetën e tyre.
