Pakistani nisi sulme ajrore dhe dërgoi trupa tokësore në provincat afgane përgjatë kufirit të saj perëndimor të dielën, duke vrarë dhjetëra civilë, thonë zyrtarët.
Qeveria talebane e Afganistanit e dënoi “aktin frikacak” dhe e quajti atë “një krim dhe mizori”. Të paktën 100 persona janë vrarë ose plagosur, thanë zyrtarët talebanë për BBC-në.
Njëzet e nëntë militantë u vranë në sulmet që kishin në shënjestër vendet e tyre të strehimit, tha ministri i informacionit i Pakistanit, Attaullah Tarar, duke shtuar se sulmet ishin një përgjigje ndaj “sulmeve të fundit terroriste kundër njerëzve të pafajshëm”.
Pakistani e ka akuzuar prej kohësh Afganistanin për strehimin e terroristëve që kryejnë sulme në tokën e tij, një pretendim që qeveria talebane e hedh poshtë.