Ministri i Shëndetësisë, Rifat Latifi ka insistuar se për të hyrë Kosovë kurrë nuk janë kërkuar tri doza të vaksinës kundër Covid-19.
Ai u shpreh se për të qarkulluar brenda kufijve të Kosovës, shtetasit e vendeve të tjera kanë mundur që të hyjnë edhe me dy doza të vaksinës dhe me një vërtetim të testit PCR.
Latifi tha se kushti për të hyrë me tri doza në Kosovë ka pasur për qëllim lehtësimin e qarkullimit.
“Kurrë nuk kemi kërkuar tri vaksina. Me tri vaksina ti ke pasur lehtësi të madhe ke hy drejtpërdrejtë. As nuk është kërkuar testi as kurgjo tjetër. Nëse i ke pasur dy vaksina është dashur ta kesh edhe testin”, deklaroi ai para gazetarëve.