Afrim Muçiqi, këngëtari dhe përfaqësuesi i Odës së Hotelierisë dhe Turizmit, është shprehur i mllefosur me masat e fundit të vendosura nga qeveria.
Muçiçi për Ekonomia Online deklaroi se këto masa janë të pakuptimta dhe se ndihet i tradhëtuar.
“Të pakuptimta dhe në një forme si Odë dhe departament kemi qenë të tradhtuar. Përderisa nuk na cenohet integriteti ne kemi respektuar masat. Andaj me përfaqësuesit e të gjitha regjioneve kemi mbajtur takimi dhe po shohim që protesta është e pashmangshme”, deklaron Muçiçi.
Duke folur për Darkën e Lamës, të organizuar nga presidentja Vjosa Osmani, ai ka thënë me ironi se bëhet fjalë për një “dasmë”. Ai duke iu referuar presidentes dhe kryeministrit, tha se ata që i kanë miratuar masat po i shkelin vet ato.
“Nuk kërkojmë diçka më shumë se të tjerët, por thjesht të drejtat tona dhe që dasmat të mbahen”, ka thënë Muçiçi.
“Mbrëmë ka pasur dasmë në kryeqytetin e Republikës së Kosovës, me muzikë ‘live’. Pa asnjë masë. Këta që i kanë propozuar ligjet, Parlamenti i ka aprovuar, të njëjtit po i shkelin. Çka me pritë qytetarët?”, shtoi këngëtari
Si përfundim, ai tha se tashmë vaksinimi është kryer me sukses dhe nuk ka arsye për moslejimin e dasmave.