Presidenti i SHBA-së, Joe Biden, ka deklaruar se vendi i tij do të vazhdojë mbështetjen për Ukrainën në përballje me agresionin ushtarak rus të Vladimir Putinit.
Rusia dy muaj më parë nisi pushtimin e Ukrainës, por një shtetrrethim i Kievit ka dështuar dhe se presidenti Volodomyr Zelensky vazhdon të qëndrojë në pushtet.
“Dy muaj pasi Putin nisi një sulm të paprovokuar dhe të pajustifikuar ndaj Ukrainës, Kievi ende qëndron. Presidenti Zelensky dhe qeveria e tij e zgjedhur në mënyrë demokratike mbeten në pushtet. Ne do të vazhdojmë të mbështesim ukrainasit në luftën e tyre për të mbrojtur atdheun e tyre”, thuhet në llogarinë zyrtare të presidentit amerikan në Twitter.
Two months after Putin launched an unprovoked and unjustified attack on Ukraine, Kyiv still stands. President Zelenskyy and his democratically-elected government remain in power.
We will continue to support Ukrainians in their fight to defend their homeland.
— President Biden Archived (@POTUS46Archive) April 24, 2022