Pesë persona, përfshirë dy fëmijë, vdiqën të dielën gjatë bombardimeve ruse në Donetsk, ka konfirmuar guvernatori i tij Pavlo Kyrylenko, raporton BBC, transmeton Paparaci.
Ndërkohë tre të tjerë vdiqën në rajonin e Kharkiv dhe 14 u plagosën si rezultat i bombardimeve të vazhdueshme gjatë gjithë ditës, që ndodhi të ishte Pashkët Ortodokse, një festë e madhe si në Rusi ashtu edhe në Ukrainë.
“Sot, kur të krishterët ortodoksë festojnë Ringjalljen e Krishtit, rusët vranë pesë persona në rajonin e Donetsk”, shkroi më herët Kyrylenko në Twitter. Mes të vdekurve janë dy fëmijë të moshës 5 dhe 14 vjeç.
Për shumë ukrainas, dita kaloi nën një shtetrrethim të rreptë.
“Unë jam mirënjohës për të gjithë banorët e rajonit të Kharkivit që nuk i vizituan kishat këtë Pashkë”, postoi guvernatori i Kharkiv, Oleg Synegubov në Telegram.
“Si dhe klerikët për mirëkuptimin e situatës dhe një vendim të mirëmenduar për të mos mbajtur shërbesat e natës”.