Transferimi i Philippe Coutinho në vitin 2018 nga Liverpool bëri bujë të madhe në Spanjë. Skuadra e Barcelonës shpresat e saj i mbështeti në talentin e yllit brazilian, por rezultatet dolën të ishin dështim për klubin.
Coutinho i kushtoi drejtuesve të klubit 188 milionë dollarë, ndërsa vetëm pas dy vite e huazuan te skuadra e Bayernit.
Ani pse shënoi kundër Barcelonës sa ishte pjesë e Bayernit, Coutinho nuk arriti ta gjente formën për të cilën ishte transferuar, ndërsa as skuadra gjermane nuk u nda e kënaqur me rezultat e tij.
Pas rikthimit në “Camp Nou”, 29-vjeçari u transferua prapë në formë huazimi, por këtë radhë te skuadra e Aston Villas.
Ndryshe nga Barcelona e Bayerni, Villa u shpreh i kënaqur me performancën e sulmuesit brazilian dhe ka pranuar një marrëveshje për blerjen e tij.
Coutinho pritet të bëhet i Aston Villas për një shumë prej 21 milionë dollarëve, çka do ti shkaktonte Barcelonës një humbje prej plotë 167 milionë dollarëve.