Skuadra dhe gjithë tifozët e Milanit ishin në festë dje pasi arritën titullin kampion pas 11-të vjet pritje, por duket se askush nuk i është gëzuar më shumë festës se Tiziano Crudeli, njëri prej tifozëve më të flaktë të Milanit.
Crudeli njihet për spektaklin që e dhuron në studiot televizive kur luan skuadra e tij e preferuar dhe një gjë të tillë e bëri edhe dje në fitoren 3:0 ndaj Sassuolos.
Ai e shijoi çdo moment, u gëzua për golat, e mbi të gjitha kur përfundoi ndeshja, me ç’rast Milani e siguroi edhe titullin e 19-të të kampionit.
Në studio kishte edhe tifozë të Interit dhe ai po i ngacmonte edhe ata, siç bën zakonisht me kundërshtarët.
Crudeli pa dyshim është hijeshia e tifozëve të Milanit.
Ai është bërë tashmë i njohur në botë me reagimet dhe festimet e tij për skuadrën e zemrës.