Rritja e rasteve dhe përhapja e lisë së majmunëve veçanërisht gjatë verës ka ngritur shqetësime në mbarë botën.
Si rrjedhojë Agjencia e Sëmundjeve Infektive të BE-së u ka kërkuar vendeve anëtare të përgatiten për programe të mundshme vaksinimi kundër sëmundjes afrikane.
Qendra Evropiane për Parandalimin dhe Kontrollin e Sëmundjeve (ECDC) ka njoftuar se do të krijojë një raport të vlerësimit të rrezikut për linë e majmunëve, i cili pritet të publikohet gjatë ditës së sotme.
Çdo plan vaksinimi do të përdorë vaksinën ekzistuese të lisë, pasi nuk ka një vaksinë të miratuar kundër saj.
Sipas mjekëve vaksina ekzistuese e lisë është rreth 85% efektive në parandalimin e sëmundjeve të rënda. Vaksinimi i hershëm kundër lisë mund të çojë në kalonin e sëmundjes me simptoma të lehta.
Lija u shpall sëmundje e zhdukur në vitin 1980, por rezervat e vaksinave u mbajtën për të mbrojtur kundër një rikthimi të mundshëm.