Policia e Kosovës ka njoftuar se alarmi për bombë në objektin e rektoratit të Prishtinës “Hasan Prishtina” ka rezultuar të jetë i rrejshëm.
Në një komunikatë për media nga Policia kanë bërë të ditur se njësitet policore kanë bërë kontrollin e detajuar të zonës.
“Pas ndërmarrjes së të gjitha veprimeve të nevojshme operative si dhe kontrollit të detajuar të hapsirës së caktuar nga ana e njësive të specializuara për menaxhimin me mejtet shpërthyese, informata – alarmi ka rezultuar të jetë i rrejshëm”, njofton Policia.
Oborri i Rektoratit qëndroi i bllokuar për disa orë, pasi ky institucion pranoi kanosje me shpërthim përmes postës elektronike.
Kujtojmë se një alarm i tillë u bë edhe të martën e javës së kaluar, por rezultoi të ishte i rremë.