Instagram tani ka titrat e krijuar automatikisht, që do të thotë se mund të transkriptojë automatikisht çdo video që shikoni në aplikacion. Por, përpara se të filloni të shihni titrat që shfaqen në aplikacion, me siguri do t’u duhet të aktivizoni funksionin fillimisht, dhe e njëjta gjë vlen nëse dëshironi të postoni video me titra.
Ia vlen të përmendet se titrat e krijuar automatikisht janë të disponueshme në 17 gjuhë deri më tani: anglisht, spanjisht, portugalisht, frëngjisht, arabisht, në gjuhën vietnameze, italisht, gjermane, turke, ruse, tajlandeze, tagalog, urdu, malay, hindi, indonezisht dhe japonisht. Instagram planifikon të shtojë mbështetje për më shumë gjuhë në të ardhmen.
Ja se si t’i aktivizoni dhe çaktivizoni titrat në Instragram për iPhone dhe Android.
Aktivizo dhe çaktivizo të gjitha videot tuaja në ‘feed’-in tuaj
Titrat e krijuara automatikisht në Instagram janë çaktivizuar si parazgjedhje. Nëse doni të aktivizoni titrat për çdo video që shfaqet në ‘feed’-in tuaj, ju duhet vetëm të rregulloni një cilësim të vetëm. Ju mund t’i përsërisni këto hapa për të çaktivizuar titrat.
Shtypni profilin tuaj në këndin e poshtëm djathtas të ekranit.
Zgjidhni menynë e ‘hamburgerit’ në pjesën e sipërme djathtas të ekranit dhe më pas zgjidhni Cilësimet.
Shkoni te Account > Captions dhe më pas aktivizoni opsionin Titrat. Mund ta kthesh sërish opsionin Titrat nëse dëshiron t’i çaktivizosh.
Aktivizo titrat për një video.
Nëse nuk dëshironi titra në çdo video që shihni, mund të zgjidhni të aktivizoni titrat vetëm për një video të vetme. Ja se si ta bëni këtë:.
Prekni tre pikat në këndin e sipërm djathtas të një videoje.
Nëse videoja mbështet titrat, do të shihni një opsion që thotë Manage Captions.
Aktivizoni opsionin Titrat.
