Thirrjet telefonike nga liderët e Gjermanisë dhe Francës me presidentin rus Vladimir Putin ishin temë e debatit të nxehtë, në një samit të BE-së, në fillim të kësaj jave, sipas kryeministres estoneze, Kaja Kallas.
“Ne patëm një debat shumë të nxehtë për temën e telefonatave me Putinin”, tha Kallas për televizionin estonez duke iu referuar kancelarit gjerman, Olaf Scholz dhe presidentit francez, Emmanuel Macron.
Kallas ka qenë vazhdimisht kritik ndaj bisedimeve personale me Putinin.
Scholz ka zhvilluar telefonata të shumta me Putinin që kur Rusia pushtoi Ukrainën, më 24 shkurt.
Kur detajet e masakrës së Buçës u shfaqën në fund të marsit, disa ditë pas një telefonate të tyre, nuk pati më telefonata për gjashtë javë.
Të shtunën, megjithatë, Scholz dhe Macon folën me Putinin për të kërkuar përfundimin e luftës.
Ndoshta çuditërisht, Kallas vlerësoi qëndrimin konstruktiv të kryeministrit hungarez, Viktor Orban, i cili kishte bllokuar një embargo të BE-së ndaj naftës ruse për javë të tëra.
“Ai ka një imazh që e projekton në media dhe një imazh tjetër në diskutimet aktuale. Ne kërkuam një zgjidhje për shqetësimet e tij. Ai shpjegoi shqetësimet e tij dhe më në fund gjetëm një zgjidhje”, tha Kallas.
Udhëheqësit e BE-së ranë dakord për një embargo të pjesshme ndaj naftës ruse në samitin pas diskutimeve të gjata.