Suedia ka bërë të ditur se do të dërgojë armë shtesë për forcat e Ukrainës, në një paketë të re me vlerë rreth 102 milion dollarë, duke përfshirë raketa kundër anijeve bregdetare, njoftoi BBC-ja të enjten.
Raketat Robot 17 të prodhimit suedez, plus 5.000 raketa antitanke dhe pushkë sulmi AG 90 janë armë të dërguara tashmë nga Suedia në Ukrainë.
Danimarka ka dërguar raketa anti-anije Harpoon në Ukrainë, e cila po forcon mbrojtjen e Odesës, një port jetik për vendin.
Rusia pushtoi portin e Mariupolit – tashmë i rrënuar, pas muajsh luftimesh të ashpra.
Nisja e pushtimit rus në Ukrainë e shtyu Suedinë të thyente një politikë neutraliteti që daton prej dekadash. Më parë Suedia nuk u dërgonte armë kombeve në luftë.
Muajin e kaluar Suedia dhe Finlanda fqinje, vendosën të aplikojnë për anëtarësim në NATO.