Kapiteni i Përfaqësueses së Kosovës, Amir Rrahmani, është ndarë i kënaqur me paraqitjen e bashkëlojtarëve të tij, ndërsa beson në fitore të Kosovës edhe ndaj Greqisë.
“Rrjedha e ndeshjes shkoi ashtu, edhe pse kundërshtari nuk ishte i rrezikshëm. Por disa krosime në fund na rrezikuan disa herë. Mirë që nuk barazuan në fund. Me rëndësi që kemi fituar”, ka thënë Rrahmani.
“Do të kemi mungesa të ndryshme ndaj Greqisë. Do të shkojmë dhe të provojmë të fitojmë ndeshjen. Detajet do ta vendosin edhe atë ndeshje”, vlerëson Rrahmani.
Kosova shënoi fitore sot ndaj Irlandës së Veriut me rezultat 3:2, ndërsa do ta zhvillojë “finalen” e Grupit 2 të Ligës së C, të dielën ndaj Greqisë.