Deputeti i Kuvendit të Kosovës, nga radhët e Listës “Guxo”, Haxhi Avdyli i ka reaguar kryetarit të Aleancës për Ardhmërinë e Kosovës (AAK), Ramush Haradinajt, pasi ky i fundit e krahasoi kryeministrin, Albin Kurtin dhe kryeparalmentarin, Glauk Konjufca me kryetarin e Partisë Komuniste të Kosovës në vitet e 90-ta, Rrahman Morina.
Një krahasim i tillë, Avdyli thotë të jetë fyerja më e madhe e një politikani që nga paslufta.
“Krahasimi i deputetëve dhe partive shqiptare si pjellë e UDB-as e krahasim me Rrahman Morinën, që e bëri sonte Ramush Haradinaj në një TV mbetet si fyerja më e madhe e një politikani që nga paslufta që ua bën kolegëve të tij. Shpallja të votuarëve të popullit si tradhëtar, është thirrje direkte për vëllavrasje, dhe kanosje direkte. Këtë sia kemi borgj askujt e më së paku Ramush Haradinaj. Edhe pse më nga askush spo mirret seriozisht, unë kurrë sdo besoja që pas rënies nga pushteti kaq poshtë do të bie si ish kryeministër e politikan”, ka shkruar Avdyli në “Facebook”.