Ministri i Financave, Hekuran Murati, të shtunën bëri një krahasim mes punëtorëve të regjitruar më 2019 dhe atyre aktual, teksa mori kritika për përpjekjen e tij që të krijohet bindja se janë hapur mijëra vende të reja pune në Kosovë.
Megjithatë, për këtë çështje ka reaguar nënrkyetari i Prishtinës, Alban Zogaj.
Zogaj deklaroi se diferenca e numrit të të punësuarve mes viteve të krahasuara, vjen si rezultat i regjistrimit të punëtorëve për të përfituar nga subvencionet gjatë periudhës pandemike.
“Këta janë të gjithë punëtorë të regjistruar për t’i marrë subvencionet e pandemisë! Sa është punësimi real Z. Ministër? Sa vende të reja pune janë hapur në vitin 2021?”, shkroi ai në rrjetin e tij social ‘Twitter’.