Nënkryetarja e Prishtinës, Donjeta Sahatçiu ka reaguar pas shkarkimit të kryeshefit ekzekutiv të ndërmarrjes “Pastrimi”, Burim Kelmendi.
Ajo në Facebook shkruan se nga sot fillon një kapitull i ri për Prishtinën.
“Prej sot fillon kapitulli i ri për Prishtinën e pastër. Fillim i ri me KRM “Pastrimi”. Fillim i ri me menaxhim të ndërmarrjeve publike lokale në Prishtinë. Kështu politika bëhet shembull i mirë për të mirën e përbashkët, vlerën publike. Prishtina nuk guxon t’jetë në këtë gjendje me menaxhim të mbeturinave as edhe një ditë tjetër. Ecim tutje”, shkruan ajo.
