Kryetari i Tiranës Erion Veliaj është takuar me presidentin e Ukrainës Volodymyr Zelensky gjatë vizitës së tij në Kiev.
Ai thotë se Zelensky është shprehur mirënjohës për mbështetjen e Shqipërisë gjatë pushtimit rus të Ukrainës.
Veliaj ka thënë po ashtu se janë zotuar që të rindërtojnë shkolla në Kharkiv për të cilin thotë se është qytet simotër i Tiranës.
“Shumë i lumtur që u takova me Presidentin Zelenski në Kiev, i cili shprehu mirënjohjen e tij për mbështetjen e Shqipërisë dhe Kryeministrit Edi Rama në Këshillin e Sigurimit, strehimin e refugjatëve dhe çdo ndihmë tjetër. Tirana dhe Kharkivi janë qytete motra – ne jemi zotuar të rindërtojmë shkolla aty dhe të japim ekspertizën tonë në rimëkëmbjen e Ukrainës”, ka shkruar ai në Facebook.