Lëvizja Vetëvendosje ka larguar nga dy pozita në komisionet parlamentare Doarsa Kica-Xhelilin, ish-deputeten e koalicionit qeverisës e cila aderoi në Lidhjen Demokratike të Kosovës javën e kaluar.
Me propozim të LVV-së, Kica-Xhelili është larguar nga funksionet në komsionet për Administratë Publike dhe Legjislacion.
Në vend të saj, në këto dy pozita, LVV-ja ka emëruar deputetin Valon Ramadani, përkatësisht deputeten Saranda Bogujevci.
Ndërkaq, edhe LDK-ja ka propozuar emërimet e saj.
Ky grup parlamentar e ka propozuar Doarsa Kica-Xhelili për anëtare në Komisionin për Punë të Jashtme dhe Diasporës, në vend të deputetit Kujtim Shala.