Rikthehet pas një viti mungesë për shkak të pandemisë panairi i 24-t i librit.
Kjo ngjarje kulturore bën bashkë botues, shkrimtarë, përkthyes dhe të apasionuarit pas librit në datat 17 -21 nëntor në Pallatin e Kongreseve, transmeton Paparaci.
Këtë vit ky panair përveç titujve të ri për lexuesit do sjellë takime me autorë e përkthyes, tryeza diskutimi, workshope, seminare etj.
Si çdo panair tjetër edhe këtë vit do të ndahen çmime sipas kategorive nga organizatorët. Në këtë panair marrin pjesë botues nga Shqipëria, Kosova, Maqedonia e Veriut dhe Mali i Zi.
Panairi i 24-t i librit këtë vit organizohet me mbështetjen e bashkisë së Tiranës dhe të Qendrës Kombëtare të Librit e Leximit.
Ndryshe nga herët e tjera ky panair do të organizohet duke respektuar masat anti-COVID.