Legjenda e boksit, Mike Tyson ka zbuluar detaje të reja rreth sëmundjes së tij.
Bota e boksit është e shqetësuar për legjendën e peshave të rënda. Ish-kampioni botëror i njohur gjithashtu si Iron Mike për shkak të grushteve të tij të forta, u pa në një karrocë me rrota në Aeroportin e Miamit në mes të gushtit.
Sëmundja “ndizet përsëri dhe përsëri”, thotë Tyson në një intervistë për Newsmax TV. ‘Kur ndizet, as nuk mund të flas. Por falënderoj Zotin që kjo është sëmundja e vetme nga e cila vuaj.” Për këtë arsye ai duhet të përdorë një karrocë me rrota herë pas here. Ose përdor një shkop për të ndihmuar.
Ai për herë të fundit ka qenë në Gjermani, ku ka vizituar një panair të produkteve të duhanit në Dortmund, transmeton “RP Online”. Aty fansat u vunë në radhë për të bërë një foto me ish-superyllin e boksit.
E dobishme për Tyson, i cili mbetet optimist pavarësisht sëmundjes. “Të gjithë në shtëpinë time janë të bekuar, të gjithë jemi mirënjohës për atë që kemi”.
Tyson vuan nga dhimbjet e nervit shiatik – dhimbje të shkaktuara nga nervi shiatik. Ky nerv transporton informacion nga truri në këmbë përmes palcës kurrizore.