Kryetari i Partisë Demokratike të Kosovës, Memli Krasniqi, ka falënderuar Kryeministrin e Shqipërisë, Edi Rama, për qëndrimin e tij në mbrojtje të luftës së UÇK-së dhe udhëheqësve të saj, të cilin e mbajti sot në OKB.
“Kryeministri i Shqipërisë, Edi Rama, edhe sot, sikur secilën herë tjetër gjatë mandatit të tij, qëndroi në mbrojtje të vlerave të luftës së drejtë të UÇK-së dhe udhëheqësve të saj. Edhe në OKB, Kryeministri Rama e përsëriti të vërtetën tonë të përbashkët”, ka shkruar Kryetari i PDK-së në Facebook.