Ministri i Sportit, Hajrulla Çeku, ka bërë thirrje që të mos bëhet propagandë lidhur me ndërtimin e stadiumit të qytetit të Ferizajt.
Ai ka thënë se kanë filluar procedurat për nisjen e studimit të fizibilitetit, për ndërtimin e stadiumit të Ferizajt.
“Jemi në fazën e studimit të fizibilitetit dhe më pas do të fillojë menjëherë ndërtimi i stadiumit, me financim të plotë të Ministrisë së Sportit”, u shpreh ministri Çeku.
Çeku, ka thënë se studimi i fizibilitetit do të jetë në bashkëpunim me komunën e Ferizajt.
Tutje ministri, Qeku u shpreh se me kryetarin e Ferizajt, Agim Aliun kanë biseduar për ketë temë dhe do të vendosin bashkërisht për specifikat e stadiumit.