Rron Gjinovci, drejtues i organizatës jo-qeveritare ORCA, ka thënë se përfaqësuesit e Ministrisë së Arsimit në Këshillin Drejtues të Universitetit të Prishtinës kanë bërë pakt me plagjiatorë për shkarkimin e rektorit Naser Sahiti.
Gjinovci ka thënë se për shkarkimin e rektorit duhen gjashtë vota, nga 11 gjithsej në Këshillin Drejtues të UP-së.
Ai ka thënë se shkarkimi i rektorit është bërë në bashkëpunim nga dy grupe brenda Këshillit Drejtues.
“Këshilli Drejtues përbëhet prej 9 anëtarëve, 4 të dërguar nga Ministria dhe 5 nga Senati i UP-së. 5 anëtarët e Senatit e kanë filluar mandatin e tyre para 20 ditësh, më 1 tetor. Në mesin e 5 anëtarëve të dërguar nga Senati më të votuarit e tyre kanë qenë plagjiatori Selim Bezeraj dhe infamozi Rifat Krasniqi”, ka thënë ai.
“Për ta shkarkuar rektorin duhen 6 vota. Pra, as përfaqësuesit e Senatit as ata të Ministrisë nuk mund ta bëjnë këtë pa një bashkëpunim. Kjo tregon që përfaqësuesit e Ministrisë në krye me Altin Sahitin që edhe e drejton këtë Këshill, kanë bërë pakt me selimët dhe rifatët për ta shkarkuar rektorin që denoncon publikisht plagjiaturën”, ka deklaruar Gjinovci.