Goli i Besnik Krasniqit i shënuar nga penalltia në minutat e fundit të ndeshjes, i dhuroi skuadrës së Dritës tre pikë të plota përball Ferizajit.
Drita nuk po arrinte ta gjente golin deri në minutën e 93-të kur edhe u akordua penalltia nga gjyqtari, Gramos Shala.
Mbrojtësi i Ferizajit, Donat Hasani shkaktoi ndërhyrje të pa lejuar në Ajzerajn, ndërkaq i saktë nga 11-metërshi u tregua Besnik Krasniqi.
Vendasit ishin në vështirësi pasi nuk po arrinin të gjenin golin dhe një barazim i mundshëm do të rrezikonte seriozisht kreun e tabelës.
Me fitoren e sotme, skuadra e Dritës ka arritur 30 pikë, pesë pikë më shumë se Ballkani në vendin e dytë, me një ndeshje më pak.
Kjo është fitorja e nëntë për Dritën, ndërsa për Ferizajin humbja e shtatë.
Xhiron e radhës Drita do të takohet me Llapin, kurse Ferizaji me Drenicën.