Deputeti i Kuvendit të Kosovës, Dimal Basha ka bërë thirrje për arrestimin dhe burgosjen e infermiereve që shihen duke ushtruar dhunë ndaj një gruaje të moshuar në Qendrën e Kujdesit ndaj të Moshuarve “Orenda” në Pejë.
Basha ka thënë se “këta monstruma nuk e kanë vendin në institucione” por “prapa grilave”.
“Nuk kam informacion ku dhe kur ka ndodh, dhe se kush janë këta monstruma, por nëse është kudo brenda vendit tonë dhe nuk është adresu deri sot, bëj thirrje tek të gjitha institucionet që të aktivizohen urgjentisht dhe të mirren me këta monstruma”, tha Basha, në një shkrim në Facebook.