Mesfushori Christian Eriksen është pjesë e ekipit të Danimarkës për Kupën e Botës që do të mbahet në Katar nga data 20 nëntor.
Eriksen i cili pësoi atak kardiak gjatë Euro 2020 në ndeshjen e Danimarkës së tij kundër Finlandës, është një nga 21 lojtarët e thirrur nga trajneri Kasper Hjulmand.
Ai është rikthyer në formën e tij më të mirë përkundër problemeve shëndetësore që kishte duke rifituar vendin e tij në formacion me kombëtaren daneze.
Lista e plotë do të duhet të dorëzohet jo më vonë se të hënën e ardhshme, një ditë para nisjes së skuadrës drejt Katarit.
“Janë 10 deri në 12 lojtarë që konkurrojnë për vendet e fundit. Shumë gjëra mund të ndodhin. Është e pasigurt, por është mënyra e duhur.”-tha Hjulmand.