Ministri i Financave, Punës dhe Transfereve, Hekuran Murati, ka njoftuar se sot janë realizuar pagesat e pensioneve me shtesa, pre të cilave kanë përfituar 295 persona, shkruan Paparaci.
Murati në një postim në llogarinë e tij në Facebook tha se kjo është pagesa më e madhe që është bërë ndonjëherë.
“Sot është realizuar pagesa e pensioneve me shtesën e aprovuar nga Qeveria. 69 milionë euro për 295 mijë përfitues, është pagesa më e madhe që është realizuar ndonjëherë!”, shkruan ai në Facebook.
Në fund të muajit tetor, ministri Murati në një mbledhje të Qeverisë ka propozuar ndarjen e mjeteve financiare pёr mbështetjen e përfituesve nga skemat sociale dhe pensionale, nё kuadёr tё zbatimit tё masёs 3.2 – Mbështetja për pensionistët dhe familjet me asistencë sociale.
Sipas këtij vendimi, përfituesit e skemave pensionale nё muajin nëntor do tё përfitojnë nga 100 euro shtesё mbi pensionin e rregullt dhe shtesёn aktuale./Paparaci.com