Tekniku brazilian, Sylvinho pritet të marrë drejtimin e Kombëtares së Shqipërisë në futboll.
48-vjeçari është në bisedime prej disa kohësh dhe aktualisht po negociohen detajet e fundit të kontratës, e cila mund të zyrtarizohet në ditët e para të janarit, raporton SuperSport, transmeton Paparaci.
Gjatë karrierës së tij si trajner ai ka drejtuar ekipin brazilian të Corinthians nga maji i 2021 deri në shkurt të 2022, ndërsa ka qenë trajner i Lyon në Francë nga maji i 2019 deri në tetor të atij viti.
Sigurisht eksperienca përkrah Tites është vlerësuar nga numri një i federatës që duket se e ka bërë zgjedhjen e tij.
Si futbollist Sylvinho ka pasur sukses në Spanjë, Angli dhe Brazil me skuadra si Barcelona, Manchester City, Arsenal, Celta dhe Corinthians.
Shqipëria nuk e ka vazhduar kontratën e trajnerit italian Edy Reja dhe ka filluar punën për të gjetur trajnerin e duhur tash e disa javë.
Në një intervistë para disa ditës, i pari i futbollit shqiptar, Armand Duka kishte deklaruar se çështja e trajnerit do të zgjidhej brenda disa ditësh.
Krahas Sylvinho-s në listën e kryetarit Duka ishin dhe Reinaldo Rueda, Felix Magath, Massimo Oddo.