Gjykata Supreme ka bërë të ditur se ka urdhëruar përsëritjen e votimeve nga diaspora, për raundin e dytë të zgjedhjeve lokale në komunën e Dragashit.
Komisioni Zgjedhor, është urdhëruar nga kjo Gjykatë që brenda Kornizës Ligjore në Fuqi të organizojë përsëritjen e procesit të votimit nga jashtë, për raundin e dytë të zgjedhjeve lokale për kryetar komune në Dragash.
Kujtojmë se kandidati i PDK-së për kryetar të Dragashit, Shaban Shabani në raundin e dytë të zgjedhjeve lokale mori 5 mijë e 648 vota, kurse Behgjet Xheladini i LDK-së pati 5 mijë e 601 vota, apo 47 më pak se kundërkandidati i tij.