Një nga njerëzit më të rëndësishëm në stafin stërvitor i ka kthyer shpinën trajnerit Jurgen Klopp dhe Liverpoolit.
Kryemjeku i klubit, Jim Moxon ka vendosur të largohet nga klubi, për të kaluar te kundërshtarët e Liverpool, Manchester United.
Sipas “The Athletic”, të gjithë te Liverpool u habitën nga ky vendim dhe nuk mund të gjenin zëvendësuesin e tij për një kohë të gjatë.
Nga fillimi i sezonit deri në nëntor, Liverpool ishte pa mjekun kryesor të klubit dhe në fund të nëntorit, Jonathan Power u bë mjeku i ri i klubit.
Por Moxon bëri tradhtinë më të madhe në futbollin anglez. Ndërsa të tjerët pyesnin veten pse ai u largua nga Liverpool kaq papritur, ai u transferua te rivalët e ashpër Manchester United.
Menjëherë pas largimit nga Liverpool, Moxon mori një pozicion në rivalin e tij të madh Manchester United, ku punon së bashku me Steve McNally.
Por McNally do të largohet zyrtarisht nga Manchester United në janar, kështu që Moxon do të bëhet kryemjeku i United vetëm disa muaj pas largimit nga Liverpool.