Federata e Sindikatave të Shëndetësisë së Kosovës ka dhënë detaje për grevën e mbajtur sot, shkruan Paparaci.
Në një njoftim për media ata kanë treguar se kësaj greve i janë bashkangjitur të gjithë, përfshirë edhe qytetarët.
Tutje ata kanë kërkuar nga kryeministri i vendit, Albin Kurti që të dialogoj me sindikalistët në mënyrë që të mos vazhdohet me greva.
Njoftimi i plotë:
Sot me datën 25.11.2021 duke filluar nga ora 07:00 deri në ora 15:00 në të gjitha institucionet shëndetësore publike të Republikës së Kosovës është mbajtur Greva e Përgjithshme e punëtorëve shëndetësor e thirrur nga Federata e Sindikatave të Shëndetësisë së Kosovës.
Grevës i janë përgjigjur të gjithë pa dallim e në këtë mes edhe popullata e gjerë e cila është solidarizuar me punëtorët shëndetësor.
Federata e Sindikatave të Shëndetësisë së Kosovës shfrytëzon rastin ti falenderojë punëtorët shëndetësor,pacientët, Sindikata vendore dhe ndërkombëtare EPSU(European Public Service Union me mbi 8 milion anëtarë) dhe TEHY nga Finlanda.
Në fund FSSHK edhe njëherë kërkon nga Kryeministri Kurti hapjen e dialogut social me qëllimin më të mirë që të mos vazhdohet me reagime sindikale./Paparaci.com