1 mijë e 90 votues nga diaspora kanë të drejtë vote në rivotimin që do të zhvillohet në Komunën e Dragashit.
Nga KQZ-ja kanë njoftuar se sot është marrë vendimi që përsëritja e votimit përmes postës për Dragash do të zhvillohet nga 29 nëntori deri më 13 dhjetor.
“Komisioni Qendror i Zgjedhjeve mori vendim që periudha për përsëritjen e votimit përmes postës për raundin e dytë të Zgjedhjeve për Kryetar të Komunës së Dragashit të fillojë më 29 nëntor dhe të përfundojë më 13 dhjetor 2021”, thuhet në njoftimin e tyre.
Tutje është bërë e ditur se të drejtë vote kanë vetëm votuesit që janë regjistruar në periudhën korrik-gusht të vitit 2021.
“Të drejtën për të votuar përmes postës e kanë vetëm votuesit të cilët janë regjistruar si votues jashtë Kosovës gjatë periudhës 10 korrik – 18 gusht 2021. Numri i votuesve jashtë Kosovës për Komunën e Dragashit është: 1,090”, njoftohet tutje nga KQZ-ja.