Pak më par u raportua se një grabitje ka ndodhur në një pikë të MoneyGram në Mitrovicë. Lajmi është konfirmuar edhe nga policia të cilët kanë njoftuar se grabitja ka ndodhur me revole lodër.
Tutje policia ka treguar se i dyshuari tashmë është arrestuar dhe tek i njëjti janë gjetur një sasi e parave.
“E kemi një rast grabitjeje në rrugën “Shemsi Ahmeti”. I dyshuari fillimisht ka ikur, por Policia e Kosovës ka arritur ta identifikojë të dyshuarin dhe më pas ta arrestojë. Të dyshuarit i është konfiskuar sasia e të hollave për të cilat dyshohet se i grabiti dhe një revole lodër me të cilën dyshohet se e kreu grabitjen”, njofton Policia.