Sekretari amerikan i Shtetit, Antony Blinken, është deklaruar pas një bisede telefonike që e ka zhvilluar me presidentin e Serbisë, Aleksandar Vuçiq, raporton Paparaci.
Ai tha se e falënderoi atë për ‘angazhimin e tij kontstruktiv me ekipin e ShBA-së dhe BE-së që ishin javën e kaluar’ në Prishtinë e Beograd për ta çuar përpara dialogun Kosovë-Serbi.
Blinken po ashtu, ishte falënderues ndaj tij për ‘hapjen ndaj propozimit të BE-së’ për arritjen e një marrëveshje mes dy vendeve fqinje.
“Fola me presidentin e Serbisë, Aleksandar Vuçiq sot për ta falënderuar për angazhimin e tij konstruktiv me ekipin SHBA-BE javën e kaluar dhe për hapjen e tij ndaj propozimit të BE-së për sigurimin e paqes dhe stabilitetit në rajon, i cili është thelbësor për sigurimin e së ardhmes evropiane të Serbisë”, shkroi ai në Twitter.
I spoke with @predsednikrs Aleksandar Vucic today to thank him for his constructive engagement with the U.S.-EU team last week and for his openness to the EU proposal for securing peace and stability in the region, which is essential for securing Serbia’s European future.
— Secretary Antony Blinken (@SecBlinken) February 1, 2023