Ish-kryetari i Mitrovicës, Agim Bahtiri, ka thënë se do të japë dorëheqje nga LVV-ja nëse pranohet Asociacioni i Komunave me Shumicë serbe.
Madje, ai e ka cilësuar Asociacionin si “tumor” për Kosovën.
“Nëse bëhet Asociacioni. Që është tumor për Kosovën. Unë them publikisht, me përgjegjësi të plotë, se nuk do të jem më pjesë e VV-së. Ka do të shkoj nuk e di. Por që nuk do të jem më pjesë e VV-së është e sigurt”, u shpreh Bahtiri në T7.
Ai ka thënë se Kurti duhet të japë dorëheqje nëse ai e pranon Asociacionin.
“Nëse e pranon këtë, që unë e di që nuk e pranon por nëse e bën, atëherë ai duhet të japë dorëheqje”.