Ish-kryenegociatori i Kosovës në dialogun ndaj Serbisë, Skender Hyseni, është shprehur paska i zhgënjyer, pasi kryetari i LDK-së, Lumir Abdixhiku ia ka bllokuar dhe fshirë komentin në statusin ku kishte thënë se kryeministri Albin Kurti ka bërë gabime të pariparueshme në Ohër.
Hyseni, tregoi se për herë të parë ka komentuar në murin e ndokujt në Facebook.
Por, u shpreh se pas disa sekondave, Abdixhiku ia kishte fshirë komentin e tij, transmeton Paparaci.
Sipas Hyseni, kjo është akoma më shqetësuese për një lider partie “që nuk e ka guximin të përballet me kritikën.
“Lumir Abdixhiku, “lideri” i LDK-së, paska bërë një deklaratë sonte vonë, ku paska thënë që Kurti ka bërë gabime të pariparueshme në Ohër. Përtej prakatikës time, për herë të parë komentova në murin e ndokujt në FB. Pas vetëm pak sekondash, vërejta se syri “vigjilent” i Lumirit, më kishte bllokuar dhe kishte fshirë komentin tim.. Kjo është akoma më shqetësuese! Një lider partie nuk e ka guximin të perballet me kritikën”, shkroi Hyseni.
“Sa pë dijeninë tuaj, ky ishte përafërsisht komenti im në postimin e Abdixhikut:
“Nuk e kam zakon dhe ështe hera e parë që komentoj në murin e dikujt, por ja që nuk munda të mos komentoj hipokrizinë tënde politike, Zotëri Lumir Abdixhiku. Ka kohë që kam thënë se Kurti do të bëj gabime të pariparueshme. Por Kurti ka bërë gabime të pariparueshme edhe me përkrahjen tuaj gjeneroze zoti Abdixhiku. Përkrhaja juaj e parezervë për politikat idioteske të Kurtit e Osmanit në veri të vendit gjatë dy vjetëve të kaluara, ka sjellur ‘ndëshshkimin ndërkombëtar” në Ohër”, shtoi Hyseni.
“Ndëshkim, të cilin, unë, megjithate e mirëpres, ngase e pakta ndërpenë katandisjen e mëtejme të vendit tonë. Ka situata politike, kur heshtja të ruanë pak kredibilitet!
Mbase edhe pak ftyrë! Pra, mjaft me hipokrizi!””.