Me tri vota për, Bordi i Zyrës së Rregullatorit të Energjisë (ZRRE) ka aprovuar të enjten rritjen e tarifave të energjisë elektrike.
“Me tri vota për, asnjë kundër, aprovohen tarifat për furnizuesin universal- KESCO”, ka thënë Ymer Fejzullahu, kryetar i Bordit të ZRRE-së.
Arsyeja për rritjen e tarifave të energjisë elektrike, sipas propozimit të Departamentit të Tarifave në ZRRE, është thënë të jetë furnizimi i qëndrueshëm me energji elektrike në vend.
“Mos me u përsërit më shumë, arsyeja pse është e nevojshme kjo rritje është se, siç e thatë edhe ju, furnizimi i qëndrueshëm me energji elektrike, sepse në rast se nuk kemi furnizim të qëndrueshëm do të jetë kosto shumëfish më e madhe sesa kjo kosto e cila është propozu”, ka thënë Fejzullahu gjatë mbledhjes së bordit.