Skuadra e Malishevës e ka befasuar Ballkanin në Malishevë, duke marrë një pikë të vlefshme në fundin e takimit. Me barazim është ndalë edhe skuadra e Dritës, por Intelektualët vazhdojnë të mbesin në pozitën e parë në tabelë.
Ballkani zhbllokoi rezultatin në minutën e 60-të me golin e Van Dave Harmon, ndërsa dyfishoi më pas epërsinë me Kuç në minutën e 86-të, por Malisheva nuk u dorëzua.
Për gjashtë minuta, Malisheva shënoi dy gola duke arritur një pikë shumë të vlefshme në Suharekë.
Ronald Sobowal shënoi golin e parë për Malishevën në minutën e 88-të, kurse rezultatin e barazoi Bruqi në minutën e 94-të.
Te Drita nuk mjaftoi goli i Besnik Krasniqit. Nënkampioni aktual i Kosovës kaloi në epërsi në minutën e 12-të me golin e Krasniqit, por Fazliu i 89-shit barazoi rezultatin në minutën e 24-të.
Pas 28 xhirove në Superligën e Kosovës, Drita mbetet në pozitën e parë me 56 pikë, një pikë më shumë se Ballkani në vendin e dytë.
Javën e ardhshme Ballkani do të takohet me Drenicën, kurse Drita do të ketë punë me Dukagjinin.