Kuvendi i Kosovës nesër do të mbajë seancën plenare të radhës.
Seanca që do të fillojë në ora 10:00 ka në rend të ditës shtatë pika, transmeton Paparaci.
Sipas njoftimit, në mesin e këtyre pikave është edhe propozimi i Lëvizjes Vetëvendosje për zëvendësimin e anëtarëve në komisionet parlamentare.
Rendi i ditës:
- Deklarimet jashtë rendit të ditës,
- Pyetjet parlamentare,
- Shqyrtimi i dytë i Projektligjit nr. 08/L – 123 për ndryshimin dhe plotësimin e ligjeve që kanë të bëjnë me racionalizimin dhe vendosjen e vijave llogaridhënëse të Agjencive Ekzekutive,
- Shqyrtimi i dytë i Projektligjit nr. 08/L-167 për Prokurorin e Shtetit
- Shqyrtimi i rekomandimeve lidhur me Raportin e auditimit të teknologjisë së informacionit “Sistemi për Menaxhimin e Pagave”,
- Shqyrtimi i rekomandimeve lidhur me Raportin e auditimit: “Funksionimi i sistemit të Grantit të Performancës Komunale dhe menaxhimi i projekteve të financuara nga Donatorët për vitin 2021”,
- Propozimi i GP të LVV për zëvendësimin e anëtarëve në komisionet parlamentare.