Një aksident i rëndë ka ndodhur në fshatin Shkabaj të Obiliqit.
Pamjet e publikuara në media tregojnë dy vetura të cilat janë futur brenda një lokali, ngjitur me një pompë të derivateve të vendosur përgjatë rrugës magjistrale Prishtinë-Mitrovicë.
Policia e Kosovës ka bërë të ditur se tri vetura kanë qenë të përfshira në aksident.
“Sot rreth orës 10:30 kemi pranuar informatën se në rrugën Prishtinë -Mitrovicë, ka ndodhur një aksident trafiku. Në këtë aksident kanë qenë të përfshira tri automjete ( një ka qenë në lëvizje dhe dy të parkuara)”, ka thënë policia.
Si pasojë e aksidentit lëndime trupore kanë pësuar 3 persona.
Po ashtu, janë shkaktuar dëme materiale në lokal.
