Mauricio Pochettino thuhet se ka arritur një marrëveshje verbale për t’u bërë trajneri i ardhshëm i Chelseat.
“TalkSPORT” raporton se emërimi i Pochettino-s është afruar një hap më afër me Chelsea që shpreson të ketë një marrëveshje deri në fund të javës.
51-vjeçari argjentinas ka qenë jashtë punës menaxheriale që kur u shkarkua nga Paris Saint-Germain në fund të sezonit të kaluar.
Legjenda e klubit të Chelseat, Frank Lampard pritet të mbetet në rolin e tij si menaxher i përkohshëm deri në fund të sezonit aktual me Pochettino që do të fillojë punën gjatë verës.
Bisedat e mëparshme midis Pochettino dhe drejtuesve të Chelsea u përshkruan si ‘tepër pozitive’ pasi ai u bë kandidati kryesor për këtë detyrë kur Julian Nagelsmann u tërhoq.