Zyrtari i Lidhjes Demokratike të Kosovës, Muhamet Hamiti përmes një postimi në Facebook ka reaguar për Ditën Botërore të Lirisë së Shtypit.
Hamiti është shprehur se janë mirënjohës ndaj mediave të Kosovës, pasi që edhe pse përballën me vështirësi e presion nga pushteti, e bëjnë detyrën e tyre.
“U jemi mirënjohës mediave të Kosovës që, ndonëse përballen më vështirësi – duke përfshirë presion e denigrim nga pushteti që s’e duron kritikën dhe të vërtetën – po bëjnë çmos të bëjnë detyrën e vet në shërbim të publikut”, është shprehur ai.