Kreu i Partisë Demokratike të Kosovës (PDK), Memli Krasniqi ka thënë se Shqipëria ka përfunduar dhe një palë zgjedhje, duke shënuar një momentum të rëndësishëm të pjekurisë dhe përgjegjësisë politike e shoqërore.
Krasniqi ka uruar kryeministrin Rama për fitoren në shumicën e bashkive në Republikën e Shqipërisë.
Krasniqi në Facebook ka thënë se e vlerëson përkushtimin e institucioneve në garantimin dhe sigurinë që zëri i secilit qytetar të dëgjohet – drejt dhe pa ndërhyrje.
“Shpresoj që besimi i qytetarëve i dhënë në këto zgjedhje për kandidatët e tyre, t’u shpërblehet me punë, përmirësim të jetesës dhe realizim të premtimeve”, shkruan tutje kreu i PDK-së.