India dhe Australia kanë njoftuar një marrëveshje të re për migracionin pasi synojnë të forcojnë bashkëpunimin e tyre ekonomik.
Njoftimi erdhi pasi kryeministri indian Narendra Modi u takua me homologun e tij, Anthony Albanese në Sidnei të mërkurën.
Marrëveshja synon “të promovojë lëvizshmërinë e dyanshme të studentëve, të diplomuarve, studiuesve akademikë dhe njerëzve të biznesit”.
Ata diskutuan gjithashtu sigurinë rajonale mes tensioneve në rritje në rajon.
India dhe Australia janë pjesë e grupit katër anëtarësh Quad, i cili përfshin gjithashtu Japoninë dhe SHBA-në.
Një takim i planifikuar i grupit në Sydney u anulua javën e kaluar, pasi presidenti i ShBA-së, Joe Biden, duhej të kthehej në Uashington për bisedimet për tavanin e borxhit.
Modi, megjithatë, vazhdoi vizitën e tij të planifikuar në Sidnei pas pjesëmarrjes në samitin e G7-ës në Japoni, shkruan BBC.