Raportuesja për Kosovën në Komisionin Evropian, Viola Von Cramon, ka lavdëruar procesin e zgjedhjes së tetë anëtarëve të Bordit të Radio Televizionit të Kosovës, shkruan Paparaci.
“Mediat e pavarura janë thelbësore për një shoqëri demokratike! E mirëpres zgjedhjen e Bordit të ri të #RTK-së që ka anëtarë kompetentë dhe të barabartë gjinor, ndërsa është zgjedhur me rolin konstruktiv të opozitës”, shkruan Cramon në Twitter.
“Ka shumë punë përpara për bordin e #RTK-së dhe shpresojmë të shohim rezultatet së shpejti”, u shpreh ajo.
Në seancën e djeshme, Kuvendi i Kosovës ka zgjedhur anëtarët e Bordit të Radio Televizionit të Kosovës, shkruan Paparaci.
Bordi i ri i Transmetuesi publik, përbëhet nga katër anëtarë të gjinisë femërore, katër të gjinisë mashkullore.
Këta janë anëtarët e bordit:
Fatime Lumi Qehaja, anëtare me mandat 3 vjeçar;
Arta Berisha, anëtare me mandat 2 vjeçar;
Albulena Mehmeti, anëtare me mandat 3 vjeçar;
Shukrije Rama, anëtare me mandat 2 vjeçar;
Driton Hetemi, anëtar me mandat 4 vjeçar;
Besnik Boletini, anëtar me mandat 2 vjeçar;
Safet Kabashaj, anëtar me mandat 4 vjeçar;
Bekim Selo, anëtar me mandat 4 vjeçar.
Nga radhët e komunitetit serb nuk ka pasur asnjë të zgjedhur siç e kërkon procedura. Për këtë pozitë kërkohet rishpallja e konkursit.